martes, 13 de xullo de 2021

PRAZO DE MATRÍCULA PARA O COMEDOR. CURSO 2021-2022

Informámosvos que o prazo de matrícula para facer uso do comedor escolar durante o curso 2021-2022 será do 10 ao 30 de agosto.

Uns días antes colgaremos a información ou instrucións correspondentes para darvos de alta.

Como o ano anterior, todo o proceso farase a través da web da empresa de cateríng e da aplicación mobil da que vos deixaremos o enlace.

Calquera dúbida, coma sempre a través do mail da anpa ou whatsapp.

Un saúdo

mércores, 23 de xuño de 2021

COMEDOR CURSO 2021-2022

 

 

Bo día familias.

Aínda non temos a información suficiente en canto a como se vai desenvolver o comedor o próximo curso.

En todo caso, irémosvos informando a través dos medios que temos no referente a prazos de inscricións, prezos, protocolos etc.

A previsión é que ao igual que o curso anterior, as preinscricións se realicen a primeira quincena de agosto, pero como vos comentamos, aínda non sabemos nada seguro.

 

Para calquera dúbida, contactade con nos a través do mail da anpa anpaeume@gmail.com ou do noso teléfono 650467871 (preferiblemente whatsapp).

 

Unha aperta e que teñades un bo verán !!

venres, 11 de xuño de 2021

SORPRESA MUSICAL PARA AS CRIANZAS MÁIS PEQUENAS DO COLE

 

Esta mañá de cole casi de verán,  as nosas nenas e os nosos nenos van ter unha sorpresiña musical.

Vai estar con eles Ce Orquestra Pantasma.

Esperamos que vos conten que o pasaron moooooi ben.

Esta actividade está xestionada por ANPA e Cole, e financiada pola ANPA  grazas ás vosas aportacións.

Unha grande aperta

mércores, 12 de maio de 2021

TRASLADO DOS CURSOS DE ESO E BACHARELATO IMPARTIDOS ATA O DE AGORA NO IES FRAGAS DO EUME AO IES BREAMO

Facémosvos partícipes da inciativa de recollida de sinaturas que se está levando a cabo por mor do traslado dos cursos de ESO e Bacharelato impartidos ata o de agora no IES Fragas do Eume ao IES Breamo.

Carecendo da información precisa para amosar a nosa opinión como ANPA do CEIP Couceiro Freijomil, si nos unimos á iniciativa en canto a que queremos información e un proxecto claro e conciso, con inversión e adecuación de espazos, sen improvisacións, que redunde nunha mellor calidade educativa e non nunha diminución da mesma.

 

 


 

 

O escrito pódese asinar nos seguintes puntos: 

Actualizamos el listado de negocios de Pontedeume y Miño donde es posible firmar el escrito.

PONTEDEUME:

- AS LANDRAS
  Rúa Inmaculada, 26

- PELUQUERIA KATY
  Rúa Ferreiros, 4

- EL TESORO DEL     TORREÓN
  Praza do Conde, 12

- CAMPO CAPELA
  Praza de España, 2

- CARNICERÍA ÁNGEL
  Rúa Ricardo Sánchez, 17

- HERBORISTERÍA BÉTULA
  Rúa Inmaculada, 2

- CACHARREIRA
  Rúa Real, 25

- ÁNCORA
  Rúa Ricardo Sánchez, 24

- CLAUDIO CAMPOLONGO
 Rúa O Cruceiro, 33

MIÑO:

- PELUQUERÍA AQUA
  Apeadero de Perbes, 11

- VERDE MADURO
   Rúa Carreira, 46

- CAPITOL
  Estrada da Praia, 5

Agradecemos mucho su colaboración en la recogida de firmas.

El martes 18 de mayo por la mañana será el último día en el que se podrá firmar.

Gracias

 

 

 

 

 

xoves, 29 de abril de 2021

MODIFICACIÓN DE ENTRADAS E SAÍDAS POR MOR DAS OBRAS NO PEIRAO

 Compartimos información publicada polo Centro.

Estimadas familias,

Debido ás obras que se están levando a cabo no peirao de Pontedeume e ao seu inminente avance, nos vindeiros días e ata final de curso quedará limitado o acceso ao centro a través dun espazo moi reducido. As novas zonas de espera que se nos propuxeron con ese avance das obras serían unicamente a beirarrúa que está pegada ao peche da escola e a pasarela de madeira en voladizo sobre o mar. En datas pasadas, tanto a ANPA como a dirección do centro vimos de amosar a nosa preocupación pola solidez da citada pasarela de madeira. Por outra banda, tamén manifestamos a nosa inquedanza con respecto a eses pequenos redutos de espera xa que, como todas e todos sabemos, as recomendacións sanitarias actuais no contexto da Covid-19 van na liña de evitar aglomeracións e concentracións de xente.

Durante todo o curso, e en especial nos últimos meses e  semanas, tanto a ANPA como a dirección deste centro non deixamos de traballar e esixir unhas condicións para a entrada e saída á escola seguras e accesibles. Días atrás, solicitamos ante a Xefatura Territorial de Educación unha autorización con carácter excepcional para o acceso das familias de E. Primaria ao recinto escolar, que polo Protocolo Covid non estaba permitido. Con esta data podemos xa confirmar que acabamos de recibir esta autorización, polo que as familias de EP poderedes acceder no momento da saída dentro recinto escolar a un espazo debidamente delimitado, sempre en zona exterior e sen supoñer isto o acceso ao edificio escolar.

Desta forma as entradas e saídas quedarán da seguinte forma:

ORGANIZACIÓN DE ENTRADAS E SAÍDAS DO ALUMNADO DE EP NON TRANSPORTADO POR MOR DO AVANCE DAS OBRAS DO PEIRAO:

ENTRADAS:

A partir do 29 de abril, o portalón de acceso para o alumnado de 4º, 5º e 6º de EP volverá a ser o portalón do lado do pavillón.

O alumnado de 1º, 2º e 3º de EP e o alumnado de EI entrará polo portalón principal como de costume.

Haberá sinalizados camiños de entrada e saída pola beirarrúa paralela ao peche de cristal do colexio para facilitar a circulación.

SAÍDAS 

A partir do 29 de abril, logo da autorización da Xefatura Territorial de Educación, as familias de EP poderán entrar ao recinto escolar segundo se recolle no plano que podedes ver no seguinte plano:



De tal forma, as saídas do alumnado de EI non sufrirá alteracións.

As familias de 1º, 2º e 3º de EP entrarán ao recinto de herba delimitado a través do portalón principal a partir das 13.30h. O alumnado sairá respectando os horarios de inicio de curso: 1º EP ás 13.35h, 2º EP ás 13.40h e 3ºEP ás 13.45h.

As familias de 4º, 5º e 6º de EP entrarán ao recinto de herba delimitado a través do portalón do pavillón a partir das 13.30h. O alumnado sairá respectando os horarios de inicio de curso: 4º EP ás 13.35h, 5º EP ás 13.40h e 6ºEP ás 13.45h.

Para a boa marcha desta medida tan excepcional serán moi importantes varios aspectos:

- se non tedes que agardar por máis nenos/as, rogamos abandonedes o recinto polo camiño indicado o antes posible

- chegade á hora exacta da recollida, nin antes nin despois.

- mantede as distancia de seguridade.

GRAZAS POLA VOSA COLABORACIÓN!